Outfit Shooting

 

帽子發佈會 - For Show But No Show

 

Name : For Show but No Show

Model : S62/ Weight : 100g  / Color : Full

Collaboration

 

帽子發佈會 - 騙你錢 CAP 帽系列

 不要問, 不要買, 

Name : 騙你錢 - Cream

Model : C67/ Weight : 60g  / Color : Cream

Name : 騙你錢 - Black

Model : C68/ Weight : 60g  / Color : Black

過鏡用, $299 (仲唔包運費)

NICI HARMONIC 於中環 PMQ MODEMENT 發售

 間鋪好多靚野賣! 路過請多多支持!

Location : PMQ / Staunton / 3F / S303

繼續有 NICI HARMONIC 的戶外系列

成為香港第三個售賣點

Viutv - 造美人

帽子發佈會 - 男人的浪漫, 男人的 LACE

 運用了三種不同 PATTERN 的 LACE

Name : Lace for Men

Model : C69/ Weight : 60g  / Color : Black

挺身設計

輕型, 透氣

男人的浪漫

松煙製墨

 2026年8月15日續寫, 5年來, 如何寫, 應該點寫, 點分類, 好難. 由清水灣到南丫島再到英國咁寫? 定係由工作職位寫, 定係由感情生活寫. 或由作品時序寫? 簡單點說, 由於無言論自由, 所以藝術創作可以先放開一邊. 所以大腦唔想諗野. 只想去玩. 所以多謝 PACKRAFTS, 戴左我去好多諗都無諗過香港咁靚既地方.   

又可以咁講, 可能因為知道自己一定會離開, 就努力咁去探索這個將要道別既城市, 所以最後4年好努力咁四圍去, 當中包括有東平洲, 荔枝窩, 長咀等等, 去到每個地方都同自己講係最後一次. 日本都係, 開關之後已經唔記得去過幾多次. 石恆島, 九洲, 京都, 東京, 北海道等等. 因為我知道將來無乜機會去. 但日本,真係好靚, 去幾多次都唔會夠.

工作方面, 由2020年12月升職後, 忙到斷氣, 認真面對, 自問唔係一個咁上心既人, 但1)想知道自己其實做唔做到 2)有60個人跟我搵食, 對大家有個交代 3)認為學到既野對將來有用, 辛苦少少學好佢. 所以近5年係豁左出去咁認真地工作. 亦都係因為咁. 我明白想帽子事業做得好, 必須要同樣咁認真去做. 先有機會做得好. 做得好又唔一定生意好, 但起碼知道點先叫盡左力. 

5年間, 工作職位上轉左3個位, 管理過130人 (記名記樣係我死越, 但你想人尊重你, 首先你要叫得出佢個全名), 工作上, 錯過無數次. 痛過無數次, 不過都同自己講, 有糧出既. 繼續向前行啦.  當中學既野有無用? 唔知呀, 但個樣似老左10年囉. 對帽子創作有無幫忙? 無

帽子發佈會 - 松木

 2026年8月15日, 續寫, 看到這頂 - 松木, 想說說, 製作帽子, 有趣的地方是要戴在頭上跳舞, 用真木? 當然好呀, 但會重到扑街, 影響舞者演出. 所以最後選用了極輕的物料. 再請來出色的畫家先加建木面質感 (不是平面的) 再圖上木紋效果, CHRIS 應該到今天也不知道當中的細節了吧! 哈  

Name : 松木

Model : S61/ Weight : 80g  / Color : Brown

5年過去, 回望, 我不會交出這張設計圖, 我應該會做一頂有下垂裝飾的, 那當舞者轉動時, 帽子就會產生出更豐富的視覺效果, 當然, 這是因為我已經看過了演出才想到了改良版本. 5年前我也是盡心盡力去創作的. 沒有這頂那來將來更好的創作.   

不要對我說創作都是主觀的, 沒有所謂誰比誰好, 我從來不信這一套. 只要分析得夠深入, 構想的背景更徹底.  創作是絕對和應該可以分高低的. 都係果句, 不要進入思考上的懶惰, 不要嘗試用抽象來包裝技巧上的不足.

想知道5年前發生什麼事, 最直接的方法還是拿個舊電話出來看看當時的照片, 所以打卡真的很重要, 不需要多但一定要有. 剛看, 搬左入南丫島, 開展左不斷玩既生活. 

Dancing Bamboo

 今日係2026年8月15日, 5年了, 我停了寫BLOG5年, 終於有心情再次對著電腦打字, 我有想過用IPHONE的語音功能轉成文字, 但最終我還是選用5年前的方式, 用速成一隻一隻字咁打出來作為記錄,  由於2021年去到最後段有多篇只有圖片沒有內容的 POSTS, 所以我會先把沒內容的舊POSTS寫滿, 再開創新的一頁.

即係話, 其實由2021年5月開始, 已經無再在BLOGGER 發佈帽子, 但想一想, 雖然發佈會是停了, 但帽子創作的質數是絕對沒有下降的. 很多2021年後的帽子還是我現在每日戴著的. 那為什麼會停止寫作呢? 是因為另外的工作太忙了嗎? 是因為沒有想分享的內容嗎 (應該不是吧, 因為我寫BLOGGER都只是為了記錄我的創作過程, 根本就不在乎誰看 )? 

身體原因吧? 在2021年應該有一段很長的時間每晚工作到3AM, 應該不會想在工作時間以外再對著電腦打字吧. 5年, 這5年真的很...漫長?豐富?精彩?成長?虛耗?折磨? 我不知道那對字才合適, 但一定不會是快樂, 因為我喜歡用文字去記錄快樂, 以免忘記, 將來回看也能會心微笑. 

那現在我快樂嗎? 快樂. 因為我呼吸到自由既空氣. 因為我可以說我任何想說的話而免受恐懼. 有無咁誇張呀!有! 所以我記起了, 2021年只發圖, 停寫字, 不是因為忙, 是因為唔講得! 有乜野唔講得呀? 唔知! 咁先係最可怕. 完

帽子發佈會 - BAMBOO

我講野唔叻，但我答應過 CHRIS，當她/他們旋轉的時候，將會是帽子最美的一刻。

Name : BAMBOO

Model : S60/ Weight : 80g  / Color : Green

這是一對動態的帽子，必需透過舞者的跳動為帽子注入生命，也是我構思這對帽子時一直專注的目標。 

由平面物料，製成立體的帽子，最後由舞者的美態形成空間。

時間卻記錄了這一切 ，完美演出。謝謝

銅鑼灣 Outdoor Select Shop - WANDERS*

 重要通告！ Nici Harmonic 山系帽子現已於銅鑼灣加寧街的 WANDERS* 發售！

非常多謝 WANDERS* 的邀請， 令我的作品可以在一個充滿格調的店鋪連同 And Wander,  Klattermusen, CAYL 等多個日本，韓國的山系潮牌一同展出和發售。

同時亦有多個外國隱世品牌展出 (可能只係我見識少，但超靚質地又好而且價格合理) 。喜歡戶外既朋友，這間絕對係你到銅鑼灣必去的Outdoor Selected Shop!

WANDERS* 

銅鑼灣加寧街FASHION WALK 13-15號地下B舖

帽子發佈會 - PLAIN

平坦的布, 繩尾一拉就變成了帽子. 換作是一年前的我, 一定接受不了帽邊的奏摺效果. 因為我十年來只懂得欣賞成果. 十年過去, 變成了現在的我.

Name : PLAIN

Model : C66/ Weight : 80g  / Color : Creen

我喜歡看著一片平坦的布而可以叫她做帽子. 我喜歡拉繩後那不規則的奏摺邊緣, 喜歡戴上後隨心選擇的帽子前中後旋轉, 喜歡終於可以不一定要自己做出一頂完美的帽子而是她的概念.

坦白說, 我製作帽子十年. 到了今年才開始相信自己的能力. 十年來, 我要求自己去製造一些大眾都覺得漂亮的帽子. 而今年開始, 我希望造一些我認為漂亮的作品.

這同時也是一頂向 MARGIELA 致敬的帽子. 謝謝他一直以來給我源源不絕的鬼主意.

FITHYSIQUE X Nici Harmonic

我直頭覺得我既帽子同 FITYSIQUE 既 MASKS 簡直係襯到絕！！能夠同一個戶外功能系型格品牌合作真係夫復何求！！

Fithysique 理念同 Nici Harmonic 可以話係一模一樣，

我們都希望在舒適透氣嘅前提下比最型最 easy mix & match 嘅戶外及運動產品大家。

FS的運動口罩由極透氣物料製成, 表面抗菌塗層能殺滅99.9%任何病毒, 有助阻隔疾病 。

#fithysique #mask #N95抗菌運動口罩 Fithysique

帽子發佈會 - RINGS

8年前, 有個傻女相信我, 叫我幫佢製作4頂 Headpieces 行 Fashion Show.  其中一頂就係今日這頂帽子的前身。 

Name : RINGS

Model : S59/ Weight : 200g  / Color : Gold

估唔到8年之後，又有另外一個相信我能力既傻女叫我安照8年前的作品去製作一頂金色的版本。 

8年過去，回看作品不堪入目。唯有用現在最好技術加以改良，希望不要令大家失望。

謝謝所有在這十年來相信過我的傻仔傻女，我愛你地。

Camping

早兩星期終於去了 2021 年第一次露營. 由於今次這個露營團的位置實在太方便. 所以在三日兩夜裡不斷有人加入, 有人早走, 有人只入來吃晚飯, 有人第一晚吃完飯先回家睡覺, 第二日瞓醒又再來過. 最高峰時是17人, 唔係親眼見到都唔會相信.

我由下午開始, 就不停食食食. 由紅酒, 白酒, 日本清酒, 白蘭地再輪迴紅酒, 白酒, 日本清酒, 白蘭地. 所以去到晚上12點就已經回到自己的 SNOWPEAK 休息, 一休息就是第二朝早7點. (但我身邊都是一些11點才起床的朋友). 所以我坐在海邊聽音樂聽了一個早上.

我在想, 如果不是這班朋友, 我真的有勇氣獨個兒來到海邊看夜海嗎? 我常常說想一個人獨自享受空山的寧靜, 但沒有身邊的朋友, 那來一個安全的地方給你好好休息? 拍這三張照片的時候, 其實我背後有十多個壯男你又會知道嗎? 

其中有朋友投訴, 話大家準備的食物實在太多了. 由早食到晚, 連根本好好坐下來玩遊戲的時間也沒有. 但其實是因為大家也自發地付出, 怕份量不足令大家捱餓所以每組人又預多了一點點, 大家每人的一點點, 最後飽到要表演歡樂噴泉 (太飽同時喝醉, 開了頭燈嘔出來的天才表演) 而這些都是以後出來相聚時最開心的回憶.